QARSHI DAVLAT UNIVERSITETIDA TURKMANISTONLIK YOSHLAR TAHSIL OLMOQDA

QARSHI DAVLAT UNIVERSITETIDA TURKMANISTONLIK YOSHLAR TAHSIL OLMOQDA

7

Prezidentimiz Shavkat Mirziyoevning O’zbekiston Respublikasi Prezidenti sifatida ilk xorijiy tashrifi 2017-yil 6-7 mart kunlari Turkmanistonga bo’lgan edi.

Mazkur tarixiy tashrif O’zbekiston tashqi siyosatida yaxshi qo’shnichilik munosabatlariga alohida ahamiyat qaratayotganining yorqin dalili, davlatimiz rahbarining qo’shni mamlakatlar bilan do’stlik va hamkorlikni mustahkamlashga, ikki davlat yoshlarining ta’lim-tarbiyasi masalalarini mustahkamlanishiga zamin yaratdi.

Joriy yilning 25-27 noyabr kunlari Qashqadaryo viloyatida O’zbekiston yoshlar ittifoqi tashabbusi bilan “O’zbekiston yoshlari – yangi zamon bunyodkorlari!” shiori ostida o’tkazilgan yoshlar festivali doirasida Qarshi davlat universitetida “O’zbek-turkman do’stligi abadiydir!” nomli uchrashuv va ikki millat vakillarining milliy ko’rgazmalari tashkil etildi.

Tadbirda so’z olganlar Yurtboshimizning ilk xorijiy tashrifi ham Turkmaniston Respublikasiga bo’lishi bejiz emasligi, bugungi kunda ikki qardosh xalqlar o’rtasidagi mustahkam do’stlik aloqalariga to’xtalar ekan, o’zbek va turkman xalqlari azaldan bir daryodan suv ichib, tinch-totuv, ahil-inoq yashab kelgani, xalqlarimizni yagona tarix, mushtarak madaniyat va qadriyatlar, o’xshash til va urf-odatlar birlashtirib turishini alohida ta’kidladilar.
– Universitetimizda bugungi kunda 64 nafar Turkmaniston Respublikasi fuqarolari tahsil oladi, – deydi universitetning ilmiy ishlar va innovasiyalar bo’yicha prorektori N.Xolmirzaev. – Turkmanistonlik talaba-yoshlar oliy ma’lumotga ega bo’lganlaridan keyin o’z yurtlari ravnaqi yo’lida xizmat qilishlari va ikki davlatning do’stlik, qardoshlik rishtalarini yanada mustahkam bog’lashda o’z hissalarini qo’shishlari uchun ta’lim tarbiyaga oid barcha zaruriy sharoitlarni yaratib bermoqdamiz.
Tadbir davomida turkman va o’zbek yoshlari turkman-o’zbek she’rlari, qo’shiq va raqslari, milliy libos va milliy taomlar namoyishlari ham yig’ilganlarda katta taassurot qoldirdi.
Ahror Sodiqov.

Leave A Reply

Your email address will not be published.