Телефоны для связи:
(97) 312-70-77 (Devonxona)
(75) 642-23-00 (Qabulxona)
Kasbi tumani hokimligining rasmiy sahifasi » Экономика » O‘zbekiston Respublikasida 2025−2026-yillarda  aholini ro‘yxatga olish ishlari o‘tkazilishi rejalashtirilmoqda

O‘zbekiston Respublikasida 2025−2026-yillarda  aholini ro‘yxatga olish ishlari o‘tkazilishi rejalashtirilmoqda

01 май 2024, Среда
558
0

Aholini ro‘yxatga olish ma’lum bir sanada O‘zbekiston aholisining soni, yoshi, jinsi, diniy va etnik tarkibi, oilaviy ahvoli, ma’lumot darajasi, uy-joy bilan ta’minlanganligi, iqtisodiy faolligi, daromad olish manbalari, nogironligi xususida batafsil ma’lumot olishga yordam beradi.

Shuningdek, ro‘yxatga olish – aholi jon boshiga makroiqtisodiy ko‘rsatkichlarning taqsimlanishini hisoblashda ishlatiladi, migratsiya holatini, mehnat resurslari taqsimotini aniq ko‘rsatib beradi.

Natijalar hududlarni rivojlantirish, ayollar va bolalar salomatligini saqlash bo‘yicha ishlarning manzilli amalga oshirilishi uchun ham axborot manbasi bo‘lib xizmat qiladi.

O‘zbekistonda aholini ro‘yxatga olish tadbirlarini o‘tkazish 2025-2026-yillarga mo‘ljallanyapti. Bu haqda 2024-yil 4-mart kuni Prezident tomonidan imzolangan “O‘zbekiston Respublikasi Prezidenti huzuridagi Statistika agentligi faoliyatini tashkil etish chora-tadbirlari to‘g‘risida”gi PQ-114-sonli qarori bilan tasdiqlangan rasmiy statistika sohasida islohotlarni chuqurlashtirish bo‘yicha yo‘l xaritasida Prezident huzuridagi Statistika agentligiga 2025−2026-yillarda aholini ro‘yxatga olish ishlarini tashkil etish vazifasi yuklatilgan.

O‘zbekiston Respublikasida aholini ro‘yxatga olishni o‘tkazishga tayyorgarlik ko‘rish ishlarini qo‘yidagi yo‘nalishlarda tizimli davom ettirish.

Jumladan:

·          aholini ro‘yxatga olishni aholining keng ommasiga tushuntirish bo‘yicha targ‘ibot-tashviqot ishlarida foydalanish uchun videorolik, banner, flayer va bukletlar tayyorlash;

·          2021-yilda o‘tkazilgan sinov natijalari va xalqaro ekspertlarning tavsiyalari asosida aholini ro‘yxatga olish savolnomalari shakllarini takomillashtirish;

·          xalqaro tajriba va ekspertlar tavsiyalari asosida “Aholini ro‘yxatga olish” axborot tizimini takomillashtirish;

·          “STATA” amaliy dasturiy paketi litsenziyasini xarid qilish va unda ro‘yxatga olish natijalarining chiquvchi jadvallari namunalarini shakllantirish;

·          aholini ro‘yxatga olishning tashkiliy rejasini ishlab chiqish vazifalarini amalga oshirish belgilangan.

O‘zbekiston Respublikasida aholini ro‘yxatga olishni o‘tkazish ishlarini amalga oshirish  2025−2026-yillarda

Aholini ro‘yxatga olish natijalarini tayyorlash va e’lon qilish ishlarini amalga oshirish  2026−2027-yillarda belgilangan.

Shuningdek, aholini ro‘yxatga olishni xalqaro talablarga mos ravishda va sifatli o‘tkazilishini ta’minlash hamda aholini ro‘yxatga olishning tashkiliy rejasini to‘g‘ri tuzilishi aholi punktlari xaritalarining aniqligiga va hududlarda aholi yashaydigan turar joylarning raqamlanganligiga bevosita bog‘liq. Shu maqsadda, bugungi kunda viloyatimiz hududida mahalla va kadastr organlari bilan hamkorlikda, 2011-yil 12-oktyabrdagi O‘RQ-303-sonli “Geografik obyektlarning nomlari to‘g‘risida”gi Qonun talablaridan kelib chiqqan holda, ko‘chalarga berilgan nom belgilari hamda xonadonlarga berilgan raqam belgilarining o‘rnatilganligi bo‘yicha amalga oshirilayotgan ishlarni joylarga chiqqan holda  monitoringi statistika boshqarmasi xodimlari tomonidan doimiy yuritib borilmoqda.

Shu o‘rinda ta’kidlash joizki, ko‘chalar hamda xonadonlarning nomlari  mavjud yoki mavjud emaslik holatlari o‘rganishdan maqsad aholini ro‘yxatga olish jarayonlarida ro‘yxatga oluvchi xodimlar uchun xonadonlarni to‘g‘ri topib borishda qiyinchiliklar keltirib chiqarmaslik. Bundan tashqari, xonadonlarni to‘liq raqamlanishi tez yordam, yong‘inga qarshi kurashish, ichki ishlar va shu kabi aholiga xizmat ko‘rsatuvchi organlar faoliyati uchun ham muhim hisoblanadi.

Shuningdek, aholini ro‘yxatga olishning birlamchi ma’lumotlar bazasi hajmining kattaligi sababli, uning natijalarini jadval ko‘rinishida shakllantirishda STATA amaliy dasturiy paketidan foydalanilmoqda. Bugungi kunga qadar 100 dan ortiq chiquvchi jadvallar mazkur dastur yordamida tayyorlandi. Ushbu dastur asosan statistik tahlil qiluvchi dastur bo‘lib, statistik ko‘rsatkichlarni shakllantirishda qulay, tezkor va tahlillarni jadval, reyting va grafik ko‘rinishda taqdim eta oladi.

Обсудить

Читайте также:

2024 yil 1 chorak hisoboti
15 апрель 2024, Понедельник
2024 yil 1 chorak hisoboti
Добавить комментарий
Комментарии (0)
Партнеры